ՈՒԿՐԱԻՆԱՅՈՒՄ ԴԱԴԱՐԵՑՈՒԵԼ Է ՌՈՒՍԱԿԱՆ ՉՈՐՍ ՀԵՌՈՒՍՏԱԱԼԻՔՆԵՐԻ
ԿԱԲԵԼԱՅԻՆ ՀԵՌԱՐՁԱԿՈՒՄԸ
03-11-2008 17:11:00 | | Միջազգային
ԿԻԵՎ, 3 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Ուկրաինայում կաբելային
հեռուստատեսութեան խոշորագոյն օպերատոր «Վոլյան», որին բաժին է
ընկնում Կիեւի բաժանորդների 80%-ը, նոյեմբերի 1-ից հեռարձակումից
հանել է չորս ռուսական հեռուստաալիքներ:
Ինչպէս յայտնել են ընկերութիւնում, Հեռուստատեսութեան եւ
ռադիոհեռարձակման ազգային խորհրդի որոշման համաձայն, որը կաբելային
օպերատորներին պարտավորեցրել է նոյեմբերի 1-ից դադարեցնել այն
հեռուստաալիքների վերահեռարձակումը, որոնք չեն թարգմանվում
ուկրաիներէն, անջատուել են Առաջին ալիքը, ՌՏՌ-Պլանետան, TVCI,
ՌենTV-ն:
ՌԴ արտաքին գործերի նախարար Սերգեյ Լավրովը, մեկնաբանելով
ուկրաինական իշխանութիւնների որոշումը, յայտարարել է, որ
Ռուսաստանը ձգտելու է հասնել Ուկրաինայում ռուսական
հեռուստաալիքների հեռարձակման վերականգնման: