ԳԴՀ ԱԳՆ ՂԵԿԱՎԱՐԸ ՊԱՇՏՕՆԱՊԷՍ ԱՌԱՋԱԴՐՈՒԵԼ Է ԳԵՐՄԱՆԻԱՅԻ
ԿԱՆՑԼԵՐԻ ԹԵԿՆԱԾՈՒ
20-10-2008 17:26:00 | | Միջազգային
ԲԵՌԼԻՆ, 20 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Գերմանիայի
սոցիալ-դեմոկրատական կուսակցութեան (ԳՍԴԿ) համագումարը ԳԴՀ ԱԳՆ
ղեկավար Ֆրանկ-Վալտեր Շտայնմայերին առաջադրել է կանցլերի թեկնածու:
Այս մասին հաղորդում է «Նովոստի» գործակալութիւնը:
Խորհրդարանական ընտրութիւնները Գերմանիայում կանցկացուեն 2009
թ. աշնանը: 52-ամեայ Շտայնմայերի առաջադրմանը կողմ է քուէարկել
պատուիրակների մեծ մասը: Դրանից բացի համագումարի օրակարգում կայ մի
կարեւոր հարց եւս` ԳՍԴԿ նախագահի ընտրություն: Կուսակցապետի
պաշտօնի համար առաջադրուել է յայտնի քաղաքական գործիչ Ֆրանց
Մյունտեֆերինգի թեկնածութիւնը, որն արդէն այդ պաշտօնը զբաղեցրել է
2004-2005 թթ.: