ՄՈՍԿՈՒԱ, 14 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: 2008 թուականի սկզբից Ռուսաստանում հասարակական վայրերում 35-ից աւելի ահաբեկչական գործողութեան փորձ է կանխուել, ձերբակալուել են 350-ից աւելի զինյալներ եւ նրանց մեղսակիցներ: Այս մասին, ինչպէս հաղորդում է «Նովոստի» գործակալութիւնը, յայտնել է Ազգային հակաահաբեկչական կոմիտէի ղեկավար, ՌԴ ԱԴԾ տնօրէն Ալեքսանդր Բորտնիկովը: «Ընթացիկ տարում բացայայտուել եւ կանխարգելուել է ահաբեկչական բնոյթի 69 հանցագործութիւն, որոնցից 36-ը ահաբեկիչները ծրագրել էին իրականացնել մարդկանց զանգվածային կուտակման վայրերում: Ձերբակալուել են բանդիտական կազմաւորումների 350-ից աւելի ակտիւ անդամներ եւ նրանց մեղսակիցներ»,- ասել է Բորտնիկովը:

---