ՖՐԱՆՍԻԱՆ ԴԺԳՈՀ Է ՆԱԽԱԳԱՀ ՍԱՐԿՈԶԻԻ ՔԱՂԱՔԱԿԱՆՈՒԹԻՒՆԻՑ
05-05-2008 20:03:00 | | Միջազգային
ՓԱՐԻԶ, 5 ՄԱՅԻՍԻ, ՆՈՅԵԱՆ ՏԱՊԱՆ: Նիկոլա Սարկոզիի
ժողովրդականությունը նուազել է ամենացածր մակարդակի Ֆրանսիայի
նախագահ իր ընտրվելուց մէկ տարի անց: Այս մասին վկայում են
հասարակական կարծիքի հարցման տուեալները, որ անցկացուել է «Ֆիգարօ»
թերթի պատուէրով:
Ինչպէս ցոյց է տուել ուսումնասիրութիւնը, նախագահի վարած
քաղաքականութիւնից դժգոհների թիւը կազմում է ռեկորդային 63%, իսկ
Սարկոզիին սատարում է ընդամէնը 35%-ը:
Սարկոզիի ժողովրդականության ցածր մակարդակի մասին է վկայում
նաեւ այն, որ իր վարած բարեփոխումների ուղեգծին հաւանութիւն է
տալիս հարցուածների սոսկ 40%-ը: Մնացած 58%-ը պատասխանել են, որ
իրենք «դժգոհ են» կամ «շատ դժգոհ են» բարեփոխումներից:
Հեռախօսային հարցմանը, որ անցկացուել է ապրիլի 30-ից մինչեւ
մայիսի 2-ը, մասնակցել են 18 տարեկանից բարձր հազարից աւելի
ֆրանսիացիներ: