ՖՐԱՆՍԻԱՆ ԴԺԳՈՀ Է ՆԱԽԱԳԱՀ ՍԱՐԿՈԶԻԻ ՔԱՂԱՔԱԿԱՆՈՒԹՅՈՒՆԻՑ
05-05-2008 20:03:00 | Ֆրանսիա | Միջազգային
ՓԱՐԻԶ, 5 ՄԱՅԻՍԻ, ՆՈՅՅԱՆ ՏԱՊԱՆ: Նիկոլա Սարկոզիի
ժողովրդականությունը նվազել է ամենացածր մակարդակի Ֆրանսիայի
նախագահ իր ընտրվելուց մեկ տարի անց: Այս մասին վկայում են
հասարակական կարծիքի հարցման տվյալները, որ անցկացվել է «Ֆիգարո»
թերթի պատվերով:
Ինչպես ցույց է տվել ուսումնասիրությունը, նախագահի վարած
քաղաքականությունից դժգոհների թիվը կազմում է ռեկորդային 63%, իսկ
Սարկոզիին սատարում է ընդամենը 35%-ը:
Սարկոզիի ժողովրդականության ցածր մակարդակի մասին է վկայում
նաեւ այն, որ իր վարած բարեփոխումների ուղեգծին հավանություն է
տալիս հարցվածների սոսկ 40%-ը: Մնացած 58%-ը պատասխանել են, որ
իրենք «դժգոհ են» կամ «շատ դժգոհ են» բարեփոխումներից:
Հեռախոսային հարցմանը, որ անցկացվել է ապրիլի 30-ից մինչեւ
մայիսի 2-ը, մասնակցել են 18 տարեկանից բարձր հազարից ավելի
ֆրանսիացիներ: