«ՎԻՄՊԵԼԿՈՄ»-Ն ԱՐԴԷՆ «ԱՐՄԷՆՏԵԼ»-ՈՒՄ ԿԱՏԱՐԵԼ Է ՄՕՏ 63 ՄԼՆ ԱՄՆ
ԴՈԼԱՐԻ ՆԵՐԴՐՈՒՄՆԵՐ
16-11-2007 20:00:00 | Հայաստան | Տնտեսութիւն
ԵՐԵՎԱՆ, 16 ՆՈՅԵՄԲԵՐԻ, ՆՈՅԵԱՆ ՏԱՊԱՆ: «արմէնտել»-ի նոր
սեփականատեր ռուսական «Վիմպելկոմ» ընկերութիւնն արդէն ներդրել է
մօտ 63 մլն ամն դոլար, իսկ մինչեւ տարեվերջ այդ թիւը կհասնի 90 մլն
դոլարի: Ինչպէս նոյեմբերի 16-ին լրագրողների հետ զրոյցում նշեց
ընկերութեան գլխաւոր տնօրէն Օլեգ Բլիզնյուկը, ներդրումները
հիմնականում ուղղուել են բոլոր տիպի ցանցերի արդիականացմանը: Ըստ
նրա, շուտով կաւարտուի Երեւանի եւ գիւղերի հեռախոսակայանների
թուայնացման գործընթացը:
Օ.Բլիզնյուկը հերքեց լուրերը, թէ ֆիքսուած հեռախօսակապը
վաճառելու հետ կապուած ընկերութեան աշխատակիցներին ազատում են
աշխատանքից: Նրա պարզաբանմամբ, դա արւում է օրէնքի սահմաններում,
ըստ որի, որոշ կատեգորիայի աշխատակիցների համար առկայ են տարիքային
սահմանափակումներ: Օ.Բլիզնյուկը միաժամանակ նշեց, որ կան
պրոֆեսիոնալներ, որոնց աշխատանքից ազատելը ընկերութեան համար
խնդիրներ է առաջացնում, քանի որ նրանց փոխարինողներ դժուվար է գտնել: