ՊԱԿԻՍՏԱՆԻ ՆԱԽԱԳԱՀԸ ՀԱՍՏԱՏԵԼ Է, ՈՐ ԿԹՈՂՆԻ ԲԱՆԱԿԻ ԳԼԽԱՒՈՐ
ՀՐԱՄԱՆԱՏԱՐԻ ՊԱՇՏՕՆԸ ՄԻՆՉԵՒ ԵՐԴՄՆԱՏՎՈՒԹՅԱՆ ԱՐԱՐՈՂՈՒԹԻՒՆԸ
08-11-2007 19:30:00 | | Միջազգային
ԻՍԼԱՄԱԲԱԴ, 8 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Պակիստանի նախագահ
Փերվեզ Մուշարաֆը հաստատել է, որ մինչեւ երդմնատվության
արարողութիւնը կհեռանայ երկրի զինուած ուժերի գլխաւոր հրամանատարի
պաշտօնից: Այս մասին նա նոյեմբերի 8-ին յայտարարել է Պի-թի-վի պետական
հեռուստաալիքի եթերում, սակայն չի նշել, թէ երբ դա կկատարուի:
Բանակից իր հեռանալու հարցը յետաձգվել է երկրում արտակարգ
դրութիւն մտցնելու առնչութեամբ: Սպասւում է, որ նա այդ պաշտօնը
կազատի մինչեւ երդմնատվության արարողութիւնը, որը պէտք է կայանար
մինչեւ նոյեմբերի 15-ը, երբ լրանում է իր լիազօրութիւնների
ներկայիս ժամկէտը:
Մուշարաֆը համոզիչ յաղթանակ է տարել հոկտեմբերի 6-ի
նախագահական ընտրութիւններում: Սակայն ընդդիմությունը մի շարք
հանրագրերով դիմել է Գերագոյն դատարան երկրի բարձրագոյն պետական
պաշտօնի ընտրութիւններին որպէս գլխաւոր հրամանատար Մուշարաֆի
մասնակցութեան դէմ բողոքով` պնդելով, որ այն հակասում է
Սահմանադրութեանը: