ՀՀ ԿԱՌԱՎԱՐՈՒԹԻՒՆՆ ԱՌԱՋԱՐԿՈՒՄ Է ԽՍՏԱՑՆԵԼ ՏՆՏԵՍԱԿԱՆ
ՀԱՆՑԱԳՈՐԾՈՒԹԵԱՆ ԿԱՏԱՐՄԱՆ ՀԱՄԱՐ ՍԱՀՄԱՆՈՒՈՂ ՊԱՏԺԱՄԻՋՈՑՆԵՐԸ
08-11-2007 19:25:00 | Հայաստան | Տնտեսութիւն
ԵՐԵՎԱՆ, 8 ՆՈՅԵՄԲԵՐԻ, ՆՈՅԵԱՆ ՏԱՊԱՆ: ՀՀ կառավարութեան
նոյեմբերի 8-ի նիստում հաւանութիւն է տրուել «ՀՀ քրէական
օրէնսգրքում փոփոխութիւններ եւ լրացումներ կատարելու մասին» ՀՀ
օրէնքի նախագծին: Ինչպէս նիստից յետոյ յայտնեց ՀՀ գլխաւոր դատախազի
տեղակալ Մնացական Սարգսեանը, օրէնքի ընդունումը պայմանաւորուած է
տնտեսական գործունէութեան դէմ ուղղուած հանցագործությունների դէմ
պայքարում իրականացyող քրեաիրավական քաղաքականութեան փոփոխման
անհրաժեշտութեամբ: Ըստ նրա, նախատեսուած փոփոխություններով,
տնտեսական հանցագործութեան դէպքում որպէս վարչական պատիժ տուգանքի
վերին սահմանային չափը ներկայիս նուազագոյն աշխատավարձի
հազարապատիկի փոխարէն նախատեսւում է դարձնել երեք հազարապատիկ, իսկ
ազատազրկման ժամկէտը` 2-4 տարուայ փոխարէն դարձնել 3-5 տարի:
Նշուեց նաեւ, որ վիճակագրական տուեալների համաձայն, անցած տարի
արձանագրուել է տնտեսական հանցագործությունների 137 դէպք, ինչը
2005թ.-ի համեմատ կրկնակի աւելի է:
Ի դէեպ, Մ.Սարգսեանը տեղեկացրեց, որ «Պիցցա դի Ռոմա»
ընկերութեան տնօրէնի նկատմամբ օրերս քրէական գործ յարուցելու համար
հիմք է հանդիսացել ընկերութեանը պատկանող եօթ օբյեկտներից միայն
մէկում յայտնաբերուած 15 մլն դրամի (մօտ 45 հազար ԱՄՆ դոլար) չափով
հարկերից խուսափելը: