ՏԵՂԻ ՈՒՆԵՑԱՒ ACP-Ի ԿՈՂՄԻՑ ԹՈՂԱՐԿՎՈՂ ՊԱՐՏԱՏՈՄՍԵՐԻ
ՏԵՂԱԲԱՇԽՄԱՆ ՇՆՈՐՀԱՆԴԷՍԸ
25-09-2007 21:10:00 | Հայաստան | Տնտեսութիւն
ԵՐԵՎԱՆ, 25 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 25-ին
Երեւանում տեղի ունեցաւ անզուտ պղնձի արտադրութեամբ եւ իրացմամբ
զբաղուող «Արմէնիան քափըր փրոգրամ» (Armenian Copper Programme)
ՓԲԸ-ի կողմից թողարկվող պարտատոմսերի տեղաբաշխման շնորհանդէսը:
Պարտատոմսերի թողարկման կազմակերպիչն ու գլխաւոր տեղաբաշխողը
«Արմսվիսբանկ»-ն է, որը երաշխավորել է պարտատոմսերի ամբողջ` 500
մլն դրամի (մօտ 1,47 մլն ԱՄՆ դոլար) չափով ծաւալի տեղաբաշխումը:
Ըստ ACP-ի հիմնադիր «Վալլեքս գրուպ» ընկերութեան ֆինանսական
տնօրէն Գագիկ Արզումանյանի, պարտատոմսերի ընդհանուր ծաւալի 80%-ը
տեղաբաշխւում է սինդիկատի միջոցով, որի կազմում ընդգրկուել են
«Արմսվիսբանկ»-ը, Զարգացման հայկական բանկը եւ «Ֆյուչր կապիտալ
մարկետ»-ը: Նրա խօսքերով, պարտատոմսերի մնացած 20%-ը նախատեսւում է
տեղաբաշխել բաժանորդագրութեան միջոցով` մասնակցութեան
հնարաւորութիւն ընձեռելով նաեւ միւս ներդրողներին:
Նշուեց, որ պարտատոմսերի անուանական արժէքը 50 հազար դրամ է,
քանակը` 10 հազար հատ, իսկ տարեկան տոկոսադրույքը` 10%:
ՀՀ Կենտրոնական բանկի նախագահ Տիգրան Սարգսեյանի խօսքերով,
պարտատոմսերի թողարկումը, որպէս արժեթղթերի շուկայի զարգացման
գործում առաջին քայլերից մէկը, նոր գործառոյթ է ինչպէս ոլորտի
մասնակիցների, այնպէս էլ ՀՀ քաղաքացիների համար, որը ընդլայնում է
Հայաստանի ֆինանսական շուկայի հնարաւորութիւնները: Նա հոյս
յայտնեց, որ այդ օրինակին կհետեւեն նաեւ հայաստանեան այլ
ձեռնարկութիւններ, որոնք այլընտարանքային ֆինանսաւորման կարիք
ունեն:
Նշենք, որ ACP-ն պարտատոմսեր թողարկող հայաստանեան 5-րդ
ձեռնարկութիւնն է` «Վալլետտա», «Շեն կոնցեռն», «Կասկադ»,
«Հայռուսգազարդ» ընկերութիւններից յետոյ: