ԸՍՏ ՀՀ ԳԼԽԱՒՈՐ ԴԱՏԱԽԱԶԻ, ԿԱՆ ՄԱՐԴԻԿ ԵՎ ԽՄԲԱՒՈՐՈՒՄՆԵՐ, ՈՐՈՆՑ
ԼՈՌՈՒ ՄԱՐԶԻ ԴԱՏԱԽԱԶԻ ՍՊԱՆՈՒԹԵԱՆ ԲԱՑԱՅԱՅՏՈՒՄԸ ՁԵՌՆՏՈՒ ՉԷ
13-09-2007 22:30:00 | Հայաստան | Հասարակութիւն
ԵՐԵՎԱՆ, 13 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Լոռու մարզի դատախազի
սպանութեան գործով Վանաձորում հարցաքննվածներից ՀՀ Գլխաւոր
դատախազութիւնը որեւէ դիմում չի ստացել` ցուցմունքները
բռնութիւնների միջոցով նրանցից ստանալու վերաբերեալ: Սակայն,
մամուլի հրապարակումների հիման վրայ գլխաւոր դատախազ Աղվան
Յովսէփեանը կարգադրել է ծառայողական քննություն անցկացնել:
Սեպտեմբերի 13-ին ՀՀ Ազգային ժողովում, ի պատասխան լրագրողների
հարցերին, այս մասին յայտնեց Ա.Յովսէփեանը:
«Դատախազների խումբը, կարծում եմ, այնտեղ կը բացայայտի, թէ ինչ
է իրականում տեղի ունեցել, բայց ուզում եմ նաեւ հաշուի առնէք, որ
կան մարդիկ, կան խմբաւորումներ, որոնց ձեռնտու չէ այս
հանցագործութեան բացայայտումը»,- ասաց գլխաւոր դատախազը: Ըստ նրա,
դժգոհութիւններ արտայայտած անձինք փորձում են տպաւորութիւն
ստեղծել, թէ իբր քննչական խումբը Վանաձորում լայնածաւալ
հարցաքննութիւններ է իրականացնում` մարդկանց ուղղակի փողոցից
բերելով հարցաքննութեան: Գլխաւոր դատախազը վստահեցրեց, որ դա
իրականութեանը չի համապատասխանում, եւ որ հարցաքննվում են այն
մարդիկ, ում անհրաժեշտ է հարցաքննել` եղած բոլոր վարկածները
ստուգելու համար:
Նշենք, որ ԱԺ-ի նոյն օրուայ նիստում անկախ պատգամաւոր Վիկտոր
Դալլաքեանը հարցաքննուածների` Վանաձորից Երեւան ժամանած հարազատների
խնդրանքով գլխաւոր դատախազին հանձեց բժշկական տեղեկանքներ եւ
տեսանյութ: Ինչպէս «ՆՈՅՅՆ ՏԱՊԱՆ»-ի թղթակցին յայտնեց գլխաւոր
դատախազի մամուլի խօսնակ Սոնա Տռուզյանը, նոյն օրը երեկոյեան
նախատեսւում էր գլխաւոր դատախազի հանդիպումը նրանց հետ: