ՕԳՈՍՏՈՍԻ 27-Ի ԴՐՈՒԹԵԱՄԲ ԵՐԵՒԱՆԻ ԴՊՐՈՑՆԵՐ ԵՆ ԸՆԴՈՒՆՈՒԵԼ 8115
ԱՌԱՋԻՆ ԴԱՍԱՐԱՆՑԻՆԵՐ
27-08-2007 20:00:00 | Հայաստան | Հասարակութիւն
ԵՐԵՎԱՆ, 27 ՕԳՈՍՏՈՍԻ, ՆՈՅԵԱՆ ՏԱՊԱՆ: Օգոստոսի 27-ի դրութեամբ
մայրաքաղաքի դպրոցներ են ընդունուել 8115 առաջին դասարանցիներ: Այս
մասին նոյն օրուայ ասուլիսում յայտնեց Երեւանի քաղաքապետի տեղակալ
Կամո Արէեանը: Նա նշեց, որ քաղաքապետի յանձնարարականով մինչեւ
օգոստոսի 30-ը պէտք է կարգաւորուած լինեն դպրոցների անխափան ջրա- եւ
էլեկտրամատակարարման հարցերը: Իսկ Երեւանի պետավտոտեսչությունը,
ըստ Կ.Արէեանի, դպրոցամերձ տարածքներում կիրականացնի անվտանգ
երթեւեկության հսկողութեան տասնօրեակ:
Փոխքաղաքապետի խօսքերով, առաջին դասարանցիներին բոլոր
դասագրքերը կտրամադրուեն անվճար: Միւս դասարանների աշակերտներին
դասագրքերը կտրուեն վարձակալութեամբ. ուստարուայ վերջին դրանք ենթակայ
են վերադարձման:
Կ.Արէեանը նշեց նաեւ, որ մայրաքաղաքի մի շարք դպրոցներում
կիրականացուի աւագ դպրոցի համակարգի ներդրման փորձնական ծրագիր: Ըստ
նրա, հանրակրթական հաստատություներում այդ համակարգը վերջնականապէս
կներդրուի 2009-2010 ուստարում: Փոխքաղաքապետը յայտնեց նաեւ, որ նոր
ուստարում դպրոցներում նախապատրաստական աշխատանքներ են
իրականացուելու միասնական քննությունների անցկացման համար:
Նշուեց նաեւ, որ հանրակրթական հաստատութիւններում ուսումնական
շաբաթը կլինի վեցօրյա: