2007 Թ.-Ի ԱՌԱՋԻՆ ԿԻՍԱՄԵԱԿՈՒՄ ԵՐԵՒԱՆՈՒՄ ԲԱԶՄԱԲՆԱԿԱՐԱՆ
ՇԷՆՔԵՐԻ ԲՆԱԿԱՐԱՆՆԵՐԻ ՄԻՋԻՆ ԳԻՆԸ ՆԱԽՈՐԴ ՏԱՐՈՒԱՅ ՆՈՅՆ
ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ 23,5%-ՈՎ ԱՃԵԼ Է
14-08-2007 22:00:00 | Հայաստան | Տնտեսութիւն
ԵՐԵՎԱՆ, 14 ՕԳՈՍՏՈՍԻ, ՆՈՅԵԱՆ ՏԱՊԱՆ: 2007թ.-ի
յունուար-յունիսին Երեւան քաղաքում արձանագրուած անշարժ գոյքի
առքուվաճառքի 7029 գործարքներից 4698-ն իրականացուել է
բազմաբնակարան շէնքերի բնակարանների նկատմամբ: ՀՀ Ազգային
վիճակագրական ծառայութեան տուեալներով, նախորդ տարուայ նոյն ամիսների
համեմատ Երեւանում բազմաբնակարան շէնքերի բնակարանների
առքուվաճառքի գործարքների քանակն աճել է ընդամէնը 0,5%-ով:
2007թ.-ի առաջին վեց ամիսներին մայրաքաղաքում բազմաբնակարան
շէնքերի բնակարանների 1 քառ.մ մակերեսի շուկայական միջին գինը
կազմել է 241,3 հազար դրամ (մօտ 690 ԱՄՆ դոլար)` 2006թ.-ի նոյն
ամիսների համեմատ աճելով 23,5%-ով:
2007թ.-ի յունուար-յունիսին ՀՀ մարզերում բազմաբնակարան
շէնքերի բնակարանների 1 քառ.մ մակերեսի շուկայական միջին գների
ամենաբարձր ցուցանիշն արձանագրուել է Կոտայքի մարզի Աբովեան
քաղաքում` 134,4 հազար դրամ, իսկ ամենացածրը Լոռու մարզի Շամլուղ
քաղաքում` 3000 դրամ: