ԲՈՒՀԱԿԱՆ ԸՆԴՈՒՆԵԼՈՒԹԵԱՆ ՔՆՆՈՒԹՅՈՒՆՆԵՐԻ ԵՐԿՐՈՐԴ ՓՈՒԼԸ
ԿՄԵԿՆԱՐԿԻ ՅՈՒԼԻՍԻ 20-ԻՆ
14-06-2007 20:00:00 | Հայաստան | Հասարակութիւն
ԵՐԵՎԱՆ, 14 ՅՈՒՆԻՍԻ, ՆՈՅԵԱՆ ՏԱՊԱՆ: Այս տարի բուհական
ընդունելութեան քննությունների երկրորդ փուլը` կենտրոնացուած,
կմեկնարկի յուլիսի 20-ին: Ինչպէս յունիսի 14-ի ասուլիսում յայտնեց
ՀՀ կրթութեան եւ գիտութեան փոխնախարար Արա Աւետիսեանը, դիմորդների
յայտերի ընդունումը կանցկացուի յունիսի 15-ից յուլիսի 15-ը
ներառեալ: Նա նշեց, որ այս տարի ընդունելութեան քննությունները
աւելի շուտ կաւարտուեն, քան նախորդ տարիներին, երբ դրանք աւարտւում
էին օգոստոսի 16-ին: Ըստ փոխնախարարի, դա հնարաւոր կլինի միասնական
կարգով արդէն իսկ անցկացուած «Հայոց լեզու, գրականութիւն» առարկայի
քննութեան քննադահլիճների օգտագործման շնորհիւ:
Ա.Աւետիսեանը նշեց, որ արդէն հրապարակուել է «Դիմորդ 2007»
ուղեցույցը, որտեղ ներառուած են բոլոր կանոնակարգող փաստաթղթերը,
ինչպէս նաեւ ՀՀ կառավարութեան որոշումները: Փոխնախարարը
տեղեկացրեց, որ ընդունելութեան քննությունների համակարգում
ծրագրային` քննական նիւթերի, եւ գնահատման չափանիշների որեւէ
փոփոխութիւն տեղի չի ունեցել:
Նշուեց նաեւ, որ ՀՀ պետական բարձրագոյն ուսումնական
հաստատութիւնների 2007-2008 ուսումնական տարուայ համար պետութեան
կողմից ուսանողական նպաստների ձեւով ուսման վարձի լրիւ
փոխհատուցմամբ (անվճար) յատկացուել է 4132 եւ բուհերի կողմից ուսման
վարձի մասնակի զեղչի կիրառման իրաւունքով (վճարովի) 5881 ուսուցման
ընդունելութեան (բակալաւրիատ) տեղեր` ըստ ուսումնական
հաստատութիւնների ու մասնագիտութիւնների: