2010 Թ.-ԻՑ ԿԱՐԳԵԼՈՒԻ ՕԶՈՆԱՅԻՆ ՇԵՐՏԸ ՔԱՅՔԱՅՈՂ ՆԻՒԹԵՐԻ
ՆԵՐՄՈՒԾՈՒՄԸ ՀԱՅԱՍՏԱՆ
17-05-2007 18:10:00 | Հայաստան | Հասարակութիւն
ԵՐԵՎԱՆ, 17 ՄԱՅԻՍԻ, ՆՈՅԵԱՆ ՏԱՊԱՆ: ՀՀ կառավարութեան մայիսի
17-ի նիստում հաստատուել են օզոնային շերտը քայքայող նիւթերի
ներմուծման ընդհանուր չափաքանակները: Ինչպէս նիստից յետոյ
լրագրողների յայտնեց ՀՀ բնապահպանութեան փոխնախարար Սիմոն Պապեանը,
որոշման նպատակն է աստիճանաբար օգտագործումից հանել այն նիւթերը,
որոնք քայքայում են օզոնային շերտը: Մասնաւորապէս, այդպիսի
նիւթերից է ֆրեոնը, որը գործածւում սառնարանային
սարքաւորումներում, օդափոխիչներում:
Ս.Պապեանը նշեց, որ կառավարութեան որոշման համաձայն,
2007-2010թթ.-ին Հայաստան կարելի է ներմուծել տարեկան 29,5 տոննա
օզոնային շերտը քայքայող նիւթեր, իսկ 2010թ.-ից դրանց ներմուծումը
կարգելուի: Նշուեց, որ 2004թ.-ին ներմուծուել է օզոնային շերտը
քայքայող 110 տոննա, 2005թ.-ին` 50 տոննա նիւթեր: