«ԵՎՐՈՏԵՍԻԼ-2007» ՄՐՑՈՅԹԻՆ ՄԱՍՆԱԿՑՈՒՄ ԵՄ ՄԻԱՅՆ ՀԱՂԹԵԼՈՒ
ԱԿՆԿԱԼԻՔՈՎ,- ԱՍՈՒՄ Է ՀԱՅԿՈՆ
17-04-2007 19:15:00 | Հայաստան | Մշակոյթ
ԵՐԵՎԱՆ, 17 ԱՊՐԻԼԻ, ՆՈՅԵԱՆ ՏԱՊԱՆ: «Եվրոտեսիլ-2007» մրցոյթին
մասնակցում եմ միայն հաղթելու ակնկալիքով: Եթէ լաւագոյն
տասնեակում չհայտնվեմ, ապա դա չի նշանակում, որ այդ պարտութիւնով
իմ կարիերան վտանգուած է»: Այսպիսի յայտարարութիւն արեց
«Եվրոտեսիլ-2007» մրցոյթին Հայաստանը ներկայացնող երգիչ Հայկոն
ապրիլի 17-ի ասուլիսում: Հարցին, թէ ինչու՞ է նա նախընտրել մայիսի
12-ին անցկացուելիք մրցոյթին մասնակցել իր հեղինակած «Any time you
need» «տխուր» երգի կատարմամբ, այլ ոչ թէ ռիթմիկ, Հայկոն
պատասխանեց. «Եվրոտեսիլ»-ի համար չեմ պատրաստւում իմ ոճը փոխել եւ
սատանայի հագուստներով ելոյթ ունենալ, ինչպէս նախորդ տարի հանդէս
եկան ֆինլանդացիները»:
Հայաստանի Հանրային հեռուստաընկերութեան գլխաւոր պրոդիւսեր
Հրաչ Քեշիշյանի խօսքերով, օտարազգի շատ երաժշտագետներ այն կարծիքին
են, որ «Եվրոտեսիլում» Հայաստանի հաղթելու հաւանականութիւնը մեծ
է: Ըստ նրա, թէեւ մրցոյթում նախորդ տարի յաղթող ճանաչուեց
ֆինլանդական «Lordi» ռոք խումբը, սակայն այս տարի աւելի շատ
ուշադրութիւն է դարձվելու երգ-բալլադներին: Միաժամանակ նա նշեց,
որ այս տարի մրցոյթի մասնակիցների մեծ մասը ներկայացրել է ռոք
երաժշտություն:
Յիշեցնենք, որ «Any time you need» երգի խօսքերի հեղինակն է
մոսկվաբնակ Կարեն Կավալերյանը, իսկ գործիքավորումը կատարել է Արա
Թորոսեանը: Հայկոյի ելոյթը, որը ըստ մրցոյթի ծանգրի կլինի
նախավերջինը, կուղեկցուի Անդրեյ Սիչովի բեմադրած պարով: