ԱՌԱՋԻԿԱՅՈՒՄ ՀԱՅԱՍՏԱՆԻ ՄԱՐԶԵՐՈՒՄ, ԱՐՑԱԽՈՒՄ ԵՎ ՋԱՎԱԽՔՈՒՄ
ԿՄԵԿՆԱՐԿԵՆ ԹԱՏԵՐԱՀԱՄԵՐԳԱՅԻՆ ՀԻՒՐԱԽԱՂԵՐ
22-03-2007 21:05:00 | Հայաստան | Մշակոյթ
ԵՐԵՎԱՆ, 22 ՄԱՐՏԻ, ՆՈՅԵԱՆ ՏԱՊԱՆ: Հայաստանի մարզերում,
Արցախում եւ Ջավախքում այս տարի առաջին անգամ կանցկացուեն
թատերահամերգային հիւրախաղեր` «Մշակոյթային մարզ» ծրագրի
շրջանակներում: ՀՀ մշակոյթի եւ երիտասարդության հարցերի
նախարարութեան նախաձեռնութեամբ իրականացyող այս հիւրախաղերը
նպատակ ունեն աշխուժացնել մշակոյթային կեանքը շրջաններում, ինչպէս
նաեւ Արցախում եւ Ջավախքում:
Ինչպէս մարտի 22-ին մամլոյ ասուլիսում նշեց նախարարութեան
մշակոյթային քաղաքականութեան վարչութեան պետ Կարօ Վարդանեանը, այս
տարի առաջին անգամ կառավարութիւնը պետական բիւջէով գումարներ է
հատակացրել այս ծրագրի համար: Ըստ նրա, գումարները տրամադրվելու են
մայրաքաղաքի պետական այն թատրոններին, անսամբլներին, նուագախմբերին
եւ միւս կազմակերպություններին, ովքեր կցանկանան հանդէս գալ
հիւրախաղերով. գումարը յատկացուելու է ճանապարհի եւ կեցութեան
ծախսերի համար:
Կարօ Վարդանեանը յայտնեց, որ առաջին հյուրախաղը կիրականացնի
Ալ.Սպենդիարեանի անուան օպերայի եւ բալետի ազգային ակադեմիական
թատրոնը. 40-հոգանոց թատերախումբը մարտին Գիւմրիում հանդէս կգայ
«Կարմէն սյուիտ» ներկայացմամբ:
Կ.Վարդանեանը նշեց, որ բացի հիւրախաղերից, մարզերում
կկազմակերպուեն նաեւ վարպետութեան դասեր. մշակոյթային տարբեր
ոլորտների մասնագէտներ պարբերաբար կայցելեն մարզեր, կկարդան
դասախօսութիւններ: