2006Թ.-ԻՆ ՀԱՅԱՍՏԱՆՈՒՄ ԱՐՁԱՆԱԳՐՈՒԵԼ Է ԸՆՏԱՆԵԿԱՆ ՆՊԱՍՏԻ ԵՎ
ԿԵՆՍԱԹՈՇԱԿԻ ԱՒԵԼԻ ՔԱՆ 11 ՄԼՆ ԴՐԱՄԻ (ՄՕՏ 31 ՀԱԶԱՐ ԴՈԼԱՐԻ) ՍԽԱԼ
ՆՇԱՆԱԿՄԱՆ ԴԷՊՔ
29-01-2007 17:15:00 | Հայաստան | Հասարակութիւն
ԵՐԵՎԱՆ, 29 ՅՈՒՆՎԱՐԻ, ՆՈՅԵԱՆ ՏԱՊԱՆ: 2006թ.-ին Հայաստանի
սոցիալական ոլորտում արձանագրուել է 11 մլն 472 523 դրամի` (մօտ 31
հազար ԱՄՆ դոլարի) ընտանեկան նպաստի եւ կենսաթոշակի սխալ նշանակման
եւ վճարման դէպքեր, որից միայն 8 մլն 891 հազար դրամը` ընտանեկան
նպաստի: Ինչպէս «ՆՈՅԵԱՆ ՏԱՊԱՆ»-ի թղթակցին յայտնեցին ՀՀ Աշխատանքի
եւ սոցիալական հարցերի նախարարութեան Հասարակայնութեան հետ կապերի
բաժնից, ետգանձման ենթակայ գործազրկութեան նպաստի գումարը կազմել է
1 մլն 42 806 դրամ: Նշուեց, որ պետբյուջեին հասցուած վնասի
վերականգնումն ընթացքի մէջ է:
Նշուեց նաեւ, որ անցեալ տարի ՄԱԿ-ի Համաշխարհային պարենի
«Օգնութեան սննդի բաշխում» ծրագիրը 5 փուլով իրականացուել է
Երեւանում, Շիրակի, Լոռու մարզերի քաղաքային բնակավայրերում:
Իւրաքանչիւր փուլով 35 հազար ընտանիքի բաշխուել է 4175 տոննա
ալիւր, 184240լ բուսական իւղ, 167,2 տոննա ոսպ: Բացի այդ,
Երեւանի 3000 եւ Գիւմրիի 700 միայնակ տարեցների յատկացուել է
պարենի օգնութիւն: