Սոցիալական աշխատողի օրվան նվիրված հանդիսավոր միջոցառում
04-11-2021 19:00:00 | Հայաստան | Իրադարձություն
Հարգելի՛ գործընկերներ,
Աշխատանքի և սոցիալական հարցերի նախարարության նախաձեռնությամբ՝ նոյեմբերի 4-ին՝ ժամը 19։00-ին, Կամերային երաժշտության ազգային կենտրոնում (հասցե՝ ք․ Երևան, Իսահակյան 1) տեղի կունենա Սոցիալական աշխատողի օրվան նվիրված հանդիսավոր միջոցառում։
Դասական համերգային ծրագրից բացի, նախատեսվում է նաև պատերազմական և հետպատերազմական իրավիճակում մասնագիտական առանձնահատուկ ներդրում ունեցած սոցիալական աշխատողների գնահատանքի արարողություն։
Միջոցառմանը ներկա կլինեն Աշխատանքի և սոցիալական հարցերի նախարար Նարեկ Մկրտչյանը, ԱՆ, ՏԿԵՆ, ԿԳՄՍՆ և այլ գերատեսչությունների ներկայացուցիչներ, սոցիալական աշխատողներ, սոցիալական պաշտպանության բնագավառում գործունեություն իրականացնող հասարակական կազմակերպություններ։