Տնտեսության մեջ խելացի լուծումների կիրառությանը նվիրված Silicon Mountains գագաթնաժողովը

19-11-2021 09:50:00 | Հայաստան | Իրադարձություն

Հարգելի գործընկերներ, վաղը՝ նոյեմբերի 19-ին, ժամը 09:50-ին Մատենադարանի նիստերի դահլիճում կմեկնարկի SILICON MOUNTAINS 2021 տեխնոլոգիական միջազգային գագաթնաժողովը, որը նվիրված է տնտեսության մեջ խելացի լուծումների կիրառությանը (Digital Smart Economy)։

Հրավիրում ենք լուսաբանել միջոցառումը: Խնդրում ենք նախապես գրանցվել՝ զանգահարելով +37491 320190 հեռախոսահամարին:

Համաժողովի հատուկ հյուրն է Սինոփսիս վերազգային ընկերության նախագահ Դր․ Չի-Ֆուն Չանը (Chi-Foon Chan), ով ՏՏ ոլորտում համաշխարհային ներդրման համար ՀՀ պետական մրցանակի 2020 թվականի (GIT Award 2020) մրցանակակիրն է։

Արդեն երկրորդ անգամ կազմակերպվող միջոցառման կազմակերպիչն է Տեղեկատվական և հաղորդակցության տեխնոլոգիաների գործատուների միությունը։

Գագաթնաժողովի գլխավոր հովանավորը «Յունիքոմփ» ընկերությունն է, իսկ աջակիցներն են ՀՀ բարձր տեխնոլոգիական արդյունաբերության նախարարությունը, «Սինոփսիս Արմենիա» ընկերությունն ու «ԱԿԲԱ Բանկ»-ը:

Կից կարող եք ծանոթանալ միջոցառման օրակարգին: Լրացուցիչ տեղեկությունների համար խնդրում ենք զանգահարել +37491 320190 հեռախոսահամարով:

***

Հիշեցնենք, որ Silicon Mountains առաջին համաժողովն անցկացվել էր 2019թ. դեկտեմբերի 4-5-ին և նվիրված էր ՏՀՏ ոլորտում «խելացի լուծումներին» և համաշխարհային շուկայում առաջիկա տարիներին սպասվող զարգացումներին:

Համաժողովի պատվավոր հյուրն էր ՏՏ ոլորտում համաշխարհային ներդրման համար ՀՀ պետական մրցանակի 2019թ. դափնեկիր, ճապոնացի գիտնական դոկտոր Տակեո Կանադեն: Միջոցառմանը մասնակցում են բանախոսներ համաշխարհային առաջատար կազմակերպություններից՝ Microsoft, Cisco, nCipher Security եւ NXP Semiconductors:

Համաժողովի շրջանակում Հայաստանի ՏՀՏ ոլորտի ընկերությունները և հրավիրված արտասահմանյան փորձագետները Հայաստանի գործարար համայնքին, պետական հատվածին, ՏՀՏ կրթության ոլորտի ներկայացուցիչներին, ստարտափներին և լավագույն ուսանողներին ներկայացրել եւ նրանց հետ քննարկել էին առաջիկա տարիների մարտահրավերները, ժամանակակից տեխնոլոգիաների զարգացման հեռանկարային ուղղությունները, ՏՀՏ կիրառման կարևորությունը տնտեսության տարբեր ճյուղերում։

Տեղեկատվական և հաղորդակցության տեխնոլոգիաների գործատուների միություն

Նոյյան տապան - Իրադարձություն

Կարդացել են 279 անգամ

Տնտեսության մեջ խելացի լուծումների կիրառությանը նվիրված Silicon Mountains գագաթնաժողովը

Noyan Tapan TV