«Օլմպիկոս»-ի դիտում՝ Արցախյան պատերազմի մասնակիցների, Հայաստանում ապաստանած արցախահայերի երեխաների համար
28-12-2021 11:30:00 | Հայաստան | Իրադարձություն
Երևանի Սուրբ Գրիգոր Լուսավորիչ Մայր եկեղեցու «Հավատամք» հոգևոր միությունը՝ Տեր Հակոբ քահանա Խաչատրյանի առաջնորդությամբ, դեկտեմբերի 28-ին` ժամը 11:30-ին, Մոսկվա կինոթատրոնում նախաձեռնել է «Օլմպիկոս» անիմացիոն ֆիլմի դիտում՝ Արցախյան պատերազմի մասնակիցների /վիրավորների, զոհերի, անհետ կորածների, գերիների/, Հայաստանում ապաստանած արցախահայերի երեխաների ընտանիքների /շուրջ 500 մարդ/ , սոցիալապես անապահով երեխաների և եկեղեցու համայնքի երեխաների համար:
Միջոցառման շրջանակում երեխաների համար նախատեսված է անկնկալներ, կնվիրեն նաև Մանկական Աստվածաշունչ: «Հավատում եմ» խորագրով և երեխաների ամանօրյա ցանկություններով կձևավորվի խորհրդանշական տոնածառը: Ըստ հոգեբանների՝ «Օլիմպիկոսը» հոգեբանորեն ծանր պայմաներում օգնում է հաղթահարել դժվարություններն ու գտնել ապրելու ուժ: