Ասուլիս ՀՀ կրթության, գիտության, մշակույթի և սպորտի նախարարությունում
19-04-2022 12:30:00 | Հայաստան | Ասուլիս
Հարգելի' գործընկերներ,
Ապրիլի 19-ին՝ ժամը 12:30-ին, ՀՀ կրթության, գիտության, մշակույթի և սպորտի նախարարությունում (Վազգեն Սարգսյան 3, 9-րդ հարկ) տեղի կունենա ԿԳՄՍ նախարարության Բարձրագույն և հետբուհական մասնագիտական կրթության վարչության պետի պաշտոնակատար Լուսինե Գրիգորյանի ու Գնահատման և թեստավորման կենտրոնի փոխտնօրեն Կարո Նասիբյանի համատեղ մամուլի ասուլիսը:
Բանախոսները կներկայացնեն բուհերի ընդունելության միասնական և ներբուհական քննությունների հայտագրման և քննությունների կազմակերպման գործընթացը` ըստ փուլերի և հերթական քայլերի:
ԶԼՄ գործընկերներին խնդրում ենք ներկայանալ անձը հաստատող փաստաթղթով: