Մոսկվայում անցկացվում է «Պատանի սամբիստ-2011» թիմային միջազգային առաջնությունը, որին Հայաստանից մասնակցում է հանրապետական փուլի հաղթող «Զեյթուն» ակումբը: Ինչպես «ՆՈՅՅԱՆ ՏԱՊԱՆ» -ին հայտնեցին ՀՀ սամբոյի ֆեդերացիայից, հոկտեմբերի 29-ին ավարտվեցին ենթախմբային մրցումները, որի արդյունքում «Զեյթունը»` ընդգրկված լինելով առաջին ենթախմբում, 11:1 եւ 12:0 հաշվով հաղթանակներ տանելով մոլդովական «Բելցի» եւ Օդեսսայի «Վերածնունդ» թիմերի հետ հանդիպումներում, չեչենական «Շամսուդինա Ուվայսաեւա» ակումբի հետ, որին պարտվել էր 1:11 հաշվով, դուրս եկավ հաջորդ փուլ: Մրցումները շարունակվում են:

---