ՊՐԵՏՈՐԻԱ, ՍԵՊՏԵՄԵԲՐԻ 26 (ՆՏ-AFP) - Հարավ-Աֆրիկյան հանրապետության հատուկ ծառայությունները մասնակից է եղել 1986 թվականին շվեդ վարչապետ Օլաֆ Պալմեի սպանությանը, հինգշաբթի օրը հաստատել է մարդասպանության մեջ մեղադրվող ոստիկանական գնդապետ Յուջին դը Քոքը: Վկայություն տալով Պրետորիայի Գերագույն դատարանում, Դը Քոքը ասել է, որ նախկին Հարավ-աֆրիկյան անվտանգության պաշտոնյա Քրեգ Ուիլյամսոնը մասնակից է եղել Պալմեի սպանությանը, որը մաս է կազմել «Հեռահար գործողություններ» կոչված գաղտնի պլանի: Պալմեին սպանել են 1986 թվականի փետրվարի 28-ին իր սոցիալ-դեմոկարտական կուսակցության իշխանության գալուց մոտավորապես վեց ամիս անց: Դե Քոքը մեղադրվում է ապարտհեյդի վարչակազմի օրոք Հարավ- Աֆրիկյան Հանրապետությունում ոստիկանության պատվերով սպանություններ կատարելու մեջ: Պալմեի սպանությությունը հետաքննող շվեդական հանձնախմբի ղեկավարությունը հայտնել է, որ իրենք որեւէ տեղեկություն չեն ունեցել այդ գործում ՀԱՀ-ի մասնակցության մասին:

---