ԵՐԵՎԱՆ, 26 ՍԵՊՏԵՄԲԵՐԻ (ՆՈՅՅԱՆ ՏԱՊԱՆ): Երեւանի մարզահմալիրում անցկացվող 32-րդ Համաշխարհային շախմատային օլիմպիադայի 9-րդ տուրում Հայաստանի կանանց առաջին հավաքականը պարտություն կրեց Ղազախստանի թիմից: Հայ շախմատիստուհիների առաջատար Էլինա Դանիելյանը հաղթանակի հասավ Սախատովայի նկատմամբ, սակայն երկրորդ եւ երրորդ խաղատախտակների վրա հայ շախմատիստուհիները կրեցին անհաջողություններ (Գոհար Հլղաթյանը զիջել է Ուսկովային, իսկ Էռնա Խալաֆյանը` Սերգեեւային): Մրցամարտում գրանցվեց 2:1 հաշիվը հօգուտ ղազախ շախմատիստուհիների:

---