ՆՈՐ ԴԵԼԻ, հունվարի 17 (ՆՏ-AFP) Հնդկաստանի վարչապետ Նարանսիմա Ռաոն չորեքշաբթի օրը քաղաքական արշավ է սկսել Արեւմտյան Բենգալիայի նահանգի կոմունիստական կառավարության, կոչ անելով, որ նրանց թույլ չտրվի մասնակցել այս տարվա նահանգական օրենսդրական մարմնի ընտրություններին: Արեւելյան Կալկաթայում տեղի ունեցած մի ժողովի ժամանակ, որին մասնակցել են մի քանի հազար մարդ, վարչապետը ասել է, որ կոմունիստները երբեք չեն կարողանա ապահովել կայունություն եւ ծաղրել է նրանց քաղաքականությունը` այն հակադրելով իր վարած ազատ շուկայական քաղաքականությանը: Կալկաթան 67մլն բնակչություն ունեցող Արեւմտյան Բենգալիայի մայրաքաղաքն է, որը 1977 թվականից կոմունիստների կողմից է կառավարվում: Դա աշխարհում ամենից երկարակյաց օրենքով ընտրյալ կոմունիստական ռեժիմն է:

---