ՄՈՍՏԱՐ, Բոսնիա-Հերցոգովինա, հունվարի 18 (ՆՏ- AFP) Չորեքշաբթի օրը Մոստար քաղաքի Եվրամիության գործերի կառավարչի ներկայացուցիչ Դրագան Գասիկը հայտնել է, որ հունվարի 20_ին նշանակված քաղաքի վերամիավորումը «դե ֆակտո» հետաձգվել է: Նա այնուհանդերձ ավելացրել է, որ մուսուլմանների եւ խորվաթների միջեւ բաժանված քաղաքի մեջ անվտանգ տԵղաշարժվելու ազատությունը պետք է երաշխավորվի ամենաուշը հունվարի 28-ից սկսած: Օրը որոշվել էր անցած կիրակի` Գերմանիայի Արտաքին գործերի նախարար Քլաուս Քինկելի` Մոստար կատարած այցելության ժամանակ: ՔԻնկելը հայտարարել էր երկշաբաթյա «մորատորիում», որի ընթացքում Եվրամիության կառավարիչ Հանս Կոսչնիկը կնաշանակվի որպես «միջնորդ դատավոր»: Ըստ անցած ամիս Դեյթոնում ստորագրված խաղաղության համաձայնագրի, քաղաքի երկու (մուսուլման եւ խորվաթ) ոստիկանական ուժերը մինչեւ շաբաթ օրը պետք է միավորվեին` որպես Մոստարի ամբողջական վերամիավորման գործընթացի առաջին քայլ:

---