ՄՈՍԿՎԱ Հունվ 15 (ՆՏ AFP) ԱՄՆ-ի գանձատունը Մոսկվայում բաց է արել լրատվական կենտրոն, որը հեռախոսով խորհուրդներ կտա նոր 100 դոլարանոց թղթադրամների թողարկմամբ անհանգստացող Ռուսաստանի բնակչությանը: Նոր թղթադրամները Ռուսաստանում կհայտնվեն հունվարի վերջին կամ փետրվարի սկզբներին եւ ըստ ակնկալիքների, կնպաստեն կեղծ թղթադրամները շրջանառությունից դուրս մղելուն: Ինչպես հաղորդել է Ամերիկայի գանձատան կցորդը Ռուսաստանի դեսպանատանը, այդ կենտրոնը մարդկանց կապահովի թղթադրամների աստիճանական փոփոխության վերաբերյալ անհրաժեշտ տեղեկությոռւններով: Նա նշել է, որ Միացյալ Նահանգներից հետո ամերիկյան դոլարներ ամենաշատը կան Ռուսաստանում, ընդ որում Դրանց 80%-ը 100 դոլարանոց թղթադրամներ են: Հաղորդվում է,որ նոր թղթադրամների թողարկումը չի ազդի գոյություն ունեցողների արժեքի վրա, եւ ԱՄՆ-ի կառավարությունը երաշխավորում է, որ հին թղթադրամները չեն արժեզրկվի, դուրս չեն մղվի եւ ետ չեն վերցվի: Ռուսաստանի Կենտրոնական Բանկի նախագահի տեղակալ Ալեքսանդր Խանդրուեւի հաշվարկով Ռուսաստանում անհատների ձեռքին կա ավելի քան 12 միլիարդ դոլար:

---