ԵՐԵՎԱՆ, 11 հունվարի («Նոյյան տապան»): Թուրք գործարար Յոզդեմիր Սաբանջըի եւ իր երկու գործընկերների դեմ կատարված ահաբեկչությունն անգամ, որը մեծ խուճապ է առաջացրել բովանդակ Թուրքիայում, չի ստվերել «Էվրենսել» թերթի թղթակից Մեթին Գյոքթեփեի խորհրդավոր սպանության հարուցած աղմուկը: Հունվարի 10-ին լրագրողները բողոքի ցույց են կազմակերպել Ստամբուլում, պահանջելով բացահայտել իրենց երիտասարդ գործակցի սպանությունը: Հասարակայնության կասկածներն ուղղված են ոստիկանությանը. ենթադրվում է, որ օրենքի պաշտպաններն են բութ գործիքով դաժանորեն հարվածներ տեղացել լրագրողի գլխին` հասցնելով մահվան դուռը: Թուրք լրագրողների միության նախագահ Նայիլ Գյուրելին բացահայտ դատապարտել է երկրի անվտանգության ուժերին եւ սպանության պատասխանատու համարել ոստիկաններին:

---