ԵՐԵՎԱՆ հունվար 9, (ՆՏ, DPA) Ինչպես հաղորդել է իրանակական Քեյհան օրաթերթը շաբաթ օրը, Իրանի հինգ քաղաքացիներ մեղավոր են ճանաչվել ԱՄՆ-ի եւ Իրաքի օգտին լրտեսություն անելու մեջ եւ մահվան են դատապարտվել երկրի Գերագույն Դատարանի կողմից: Վկայակոչելով հուսալի աղբյուրի, թերթը նշում է, որ մահապատիժը կիրականացվի մոտ ապագայում: Ինչպես գրում է թերթը, այդ հինգ հոգուց երեքը լրտեսում էին ԱՄՆ-ի Կենտրոնական Հետախուզական Վարչության օգտին: Մյուս երկուսը մահվան էին դատապարտվել հօգուտ Իրաքի լրտեսություն անելու եւ Իրանական ռազմական եւ տնտեսական հաստատությունների դեմ կատարված մի զինված հարձակման մասնակցություն ունենալռւ համար: Ինչպես նշում է օրաթերթը, երեք դատապարտյալներն ուղղակի կապեր են պահպանել ԿՀՎ-ի հետ եւ մասնակցել են համագործակիցներ հավաքագրելու գործին: Նրանք ձերբակալվել են 1992-ին: Մահվան դատավճիռները սկզբնապես կայացվել են ստորին դատարանի կողմից, բայց քննարկման են հանձնվում Գերագույն Դատարանին:

---