Հայտնի են դարձել «Բորսայի Լավագույն Անդամ 2010» մրցանակաբաշխության հաղթողները
02-03-2011 15:50:57 | Հայաստան | Տնտեսություն
Մարտի 1-ին ՆԱՍԴԱՔ ՕԷՄԷՔՍ Արմենիա ֆոնդային բորսան հատուկ արարողության ժամանակ հայտարարեց «Բորսայի լավագույն անդամ 2010» մրցանակաբաշխության հաղթողներին:
Մրցանակաբաշխությունն առաջինն է Հայաստանի կապիտալի շուկայի պատմության մեջ եւ նպատակ է հետապնդում խրախուսելու Բորսայի տարբեր հարթակներում առավելագույն ներգրավվածություն ունեցող, ինչպես նաեւ Հայաստանում կապիտալի շուկայի զարգացմանն ու կատարելագործմանն ուղղված միջոցառումներին մասնակցող եւ մասնագիտական էթիկայի կանոններին հավատարիմ ներդրումային ծառայություններ մատուցող ընկերություններին:
Մրցանակը շնորհվում է տարին մեկ անգամ` յուրաքանչյուր տարվա դեկտեմբերի 31-ի դրությամբ Բորսայի անդամ հանդիսացող ընկերությունների միջեւ:
2010թ.-ի արդյունքներով մրցանակը հանձնվել է հետեւյալ անվանակարգերում.
Բորսայի լավագույն անդամ` կորպորատիվ արժեթղթերի շուկայում
Բորսայի լավագույն անդամ` պետական պարտատոմսերի շուկայում
Բորսայի լավագույն անդամ` վարկային ռեսուրսների շուկայում
Բորսայի լավագույն անդամ` արտարժույթի շուկայում:
Կապիտալ Ասեթ Մենեջմենտ ՓԲԸ-ն հաղթող է ճանաչվել Բորսայի լավագույն անդամ կորպորատիվ արժեթղթերի շուկայում, մինչդեռ Արմենբրոկ ԲԲԸ-ն եւ Կոնվերս Բանկ ՓԲԸ-ն` լինելով լավագույնների շարքում, ներկայացվել էին որպես այս անվանակարգի թեկնածուներ:
Արմսվիսբանկ ՓԲԸ-ն ճանաչվել է Բորսայի լավագույն անդամ պետական պարտատոմսերի շուկայում: Այս անվանակարգում ներկայացված լավագույն թեկնածու-ըներություններն էին նաեւ Ամերիաբանկ ՓԲԸ-ն եւ ՎՏԲ Բանկ Հայաստան ՓԲԸ-ն:
ՎՏԲ Բանկ Հայաստան ՓԲԸ-ն արժանացել է ,Բորսայի լավագույն անդամ արտարժույթի շուկայումե կոչմանը, լավագույնների շարքում որպես մրցակից ունենալով Էյչ-Էս-Բի-Սի Բանկ Հակաստան ՓԲԸ-ին եւ Արդշինինվեստբանկ ՓԲԸ-ին: Նշանակալի է որ, ՎՏԲ Բանկ Հայաստան ՓԲԸ-ն որպես թեկնածու ներկայացված էր նաեւ ,Բորսայի լավագույն անդամ պետական պարտատոնսերի շուկայումե անվանակարգում:
Արդշինինվեստբանկ ՓԲԸ-ն ճանաչվել է Բորսայի լավագույն անդամ վարկային ռեսուրսների շուկայում` միաժամանակ որպես թեկնածու ներկայացված լինելով ,Բորսայի լավագույն անդամ արտարժույթի շուկայումե անվանակարգում: ,Բորսայի լավագույն անդամ` վարկային ռեսուրսների շուկայումե անվանակարգի մյուս լավագույն թեկնածուներն էին Հայբիզնեսբանկ ՓԲԸ-ն եւ Հայէկոնոմբանկ ԲԲԸ-ն:
Ավելի մասնրամասն տեղեկությունների համար խնդրում ենք այսցելել www.nasdaqomx.am կայքը:
* * * * *
NASDAQ OMX-ի մասին
NASDAQ OMX-ը աշխարհի ամենախոշոր բորսայական ընկերությունն է: Այն բորսայական ծառայություններ է մատուցում եւ առաջատար տեխնոլոգիաներ ներդնում վեց մայրցամաքներում գտնվող երկրներում, եւ ունենալով իր հարթակներում ցուցակված ավելի քան 3,900 ընկերություններ` առաջինն է նաեւ ցուցակված ընկերությունների թվով: NASDAQ OMX-ի տեխնոլոգիաները ներդրված են ավելի քան 50 երկրների 70 բորսաներում, քլիրինգային կազմակերպություններում եւ կենտրոնական դեպոզիտարիաներում:
2008թ.-ի հունվարին սկանդինավյան երկրներում գործող OMX բորսայական օպերատորը ձեռք է բերել Հայաստանի Ֆոնդային Բորսայի (ՀՖԲ) եւ Հայաստանի Կենտրոնական Դեպոզիտարիայի (ՀԿԴ) բաժնետոմսերի 100%-ը: 2008թ.-ի փետրվարին NASDAQ-ի եւ OMX-ի միավորման արդյունքում ստեղծված NASDAQ OMX Group-ը դարձավ ՀՖԲ-ի եւ ՀԿԴ-ի միակ սեփականատերը: NASDAQ OMX Group-ի մասին լրացուցիչ տեղեկատվություն ստանալու համար այցելեք www.nasdaqomx.com կայքը:
27.01.2009թ.-ից Հայաստանի ֆոնդային բորսա ԲԲԸ-ն պաշտոնապես վերանվանվել է ՆԱՍԴԱՔ ՕԷՄԷՔՍ Արմենիա ԲԲԸ-ի: 05.06.2009թ.-ին ՆԱՍԴԱՔ ՕԷՄԷՔՍ Արմենիա ԲԲԸ-ն դարձավ Հայաստանի Կենտրոնական Դեպոզիտարիա ԲԲԸ-ի բաժնետոմսերի 100%-ի սեփականատերը:
NASDAQ OMX Armenia