Ucom-ը ձմեռային ակցիայի ավարտից հետո չի իջեցնի իր բաժանորդների ինտերնետ արագությունները: Գարնանային տոներին ընդառաջ` Ucom-ը շարունակելու է տրամադրել ինտերնետ բարձրացված արագություններով: Այսպիսով տրամադրվող ինտերնետ հասանելության մինիմալ արագությունը ֆիզիկական անձանց համար կազմում է 8Մբ/վ, որի արժեքն է 8000 դրամ, 12Մբ/վ` 12000 դրամ, 15Մբ/վ` 15000 դրամ: Անփոփոխ կմնան նաեւ Երեքը մեկում բոլոր փաթեթներում ներառված ինտերնետի արագությունները` Կլասիկ, Ռոք եւ Ջազ փաթեթներում կազմելով համապատասխանաբար 15 Մբ/վ, 18 Մբ/վ եւ 24 Մբ/վ: «Ucom» ընկերության մամուլի ծառայությունից հայտնում են, որ բաժանորդները առանց երկարաժամկետ պայմանագիր կնքելու կշարունակեն ստանալ արագ ինտերնետ` նախկին սակագներով:

---