Առցանց պրեմիերա. Տիգրան Խզմալյանի «Ցեղասպանության լուսանկարիչը» վավերագրական ֆիլմ (տեսանյութ)
24-04-2012 08:28:30 | Հայաստան | Մշակույթ
«Չենք լռելու» երիտասարդական նախաձեռնության Youtube.com/chenqlrelu ալիքում տեղի ունեցավ կինոռեժիսոր Տիգրան Խզմալյանի «Ցեղասպանության լուսանկարիչը» վավերագրական ֆիլմի օն-լայն պրեմիերան:
Կինոնկարը պատմում է Հայոց Ցեղասպանության տարիներին եզակի լուսանկարներ կատարած եւ վավերագրական բացառիկ վկայություններ թողած գերմանացի մտավորական Արմին Թեոֆիլ Վեգների մասին: Ֆիլմը թարգմանվել է ռուսերեն, անգլերեն, ֆրանսերեն, գերմաներեն, լեհերեն եւ պարսկերեն:
«Ինձ ասացին, որ Ջեմալ Փաշան արգելում է նկարահանումներ կատարել: Իսկ ես պահպանում եմ այդ` սարսափելի մեղադրանք հանդիսացող լուսանկերները: Գիտեմ, որ դա համարվում է պետական շահերի դավաճանություն, բայց ուրախ կլինեմ գոնե այդ փոքր բանով օգնել հայերին: Ու համարում եմ իմ բոլոր արածներից ամենակարեւորը...»
Չենք լռելու, քանի հիշում ենք...