ԱՄՆ-ի նախագահ Բարակ Օբաման, ով չհայտարարված այցով գտնվում էր Աֆղանստանում, ասել է, որ “պատերազմի ժամանակաշրջանը” մոտենում է ավարտին, եւ “Ալ-Քաիդայի” պարտությունը “սարերի հետեւում չէ”: Օբաման ելույթ է ունեցել Աֆղանստանի նախագահ Համիդ Քարզայի հետ երկու երկրների միջեւ համագործակցության մասին համաձայնագրի ստորագրումից մի քանի ժամ անց: Ըստ Քաբուլում ստորագրված այս համաձայնագրի` համագործակցությունը կսկվի 2014 թ. ԱՄՆ-ի զորքերը դուրս հանելուց հետո: Ամերիկյան հեռուստատեսությամբ փրայմ-թայմի ժամանակ հեռարձակված իր այս ելույթում Օբաման հայտարարել է, որ իրաքյան պատերազմի ավարտից հետո եւ Աֆղանստանում պատերազմի ավարտին մոտենալու ընթացքում “նոր օրվա լույս է նշմարվում հորիզոնում”:

---