ԹԵՀՐԱՆ, 22 ՀՈՒՆԻՍԻ, ՆՈՅՅԱՆ ՏԱՊԱՆ: Թեհրանի հայոց թեմի Առաջնորդարանի կողմից կազմավորված Հայոց Մեծ Եղեռնի 95-ամյակը ոգեկոչող հանձնախմբի հրավերով Թեհրանում է գտնվում թուրք հանրահայտ գրող եւ մտավորական, պատմաբան, ԱՄՆ-ի «Քլարք» համալսարանի դասախոս` Թաներ Աքչամը: Ըստ «Արաքս» շաբաթաթերթ, հունիսի 23-ին տեղի կունենա Թ.Աքչամի մամուլի ասուլիսը: Նույն օրը երեկոյան «Հայ ակումբ»-ի սրահում կայանալու է նրա հեղինակած «A Shameful act» գրքի պարսկերեն թարգմանության շնորհահանդեսը: Նշված միջոցառումներին ներկա են լինելու Իրանի համալսարանների դասախոսներ, պարսիկ մտավորականներ, նաեւ հայկական կառույցների եւ միությունների ներկայացուցիչներ:

---