Գագիկ Ծառուկյան. «Ստամբուլում բարձրացվեց Հայաստանի Հանրապետության պետական դրոշն ու հնչեց ազգային օրհներգը»
11-09-2012 15:56:22 | Հայաստան | Սպորտ
ՀԱՕԿ նախագահ Գագիկ Ծառուկյանի շնորհավորական ուղերձը Հայաստանի շախմատի տղամարդկանց հավաքականի անդամներին.
«Սիրելի հայրենակիցներ.
Հայաստանի ազգային օլիմպիական կոմիտեի եւ անձամբ իմ անունից սրտանց շնորհավորում եմ Հայաստանի շախմատի տղամարդկանց հավաքականի անդամներին` Ստամբուլում Շախմատի 40-րդ համաշխարհային օլիմպիադայում փայլուն հաղթանակի կապակցությամբ:
Այս մարզաձեւում շարունակական հաղթանակներն արդեն բարի ավանդույթ են դարձել եւ յուրաքանչյուր անգամ հաղթանակի բերկրանք են պարգեւում շախմատի սիրահարներին ու ամբողջ հայ ժողովրդին:
Ստամբուլում ի շնորհիվ ձեզ բարձրացվեց Հայաստանի Հանրապետության պետական դրոշն ու հնչեց ազգային օրհներգը: Սա մեզ համար հավելյալ հպարտության առիթ էր:
Սա ավելին էր, քան մարզական հաղթանակը:
Դուք արժանի եք ամենաջերմ խոսքերին»:
Հայաստանի ազգային օլիմպիական կոմիտեի նախագահ
Գագիկ Ծառուկյան
ՀԱՅԵՐԵՆ
Русский
English
Դաս. հայերեն
French
