Թբիլիսիում շարունակվում է սեպտեմբերի 17-ին մեկնարկած Եվրոպական եւ Լատինական Ամերիկայի ու Կարիբյան երկրների Բարձրագույն վերահսկիչ մարմինների 7-րդ համագումարի եռօրյա աշխատանքները, որին մասնակցում է նաեւ ՀՀ Վերահսկիչ պալատի նախագահ Իշխան Զաքարյանը: 40 երկրների պատվիրակներ Վրաստանում քննարկում են պետական հատվածի կառավարման հիմնախնդիրներն ու դրանց կարգավորման ուղիները: Մասնավորապես, վերահսկիչներն առաջարկում են նախեւառաջ բարձրացնել հատկապես իրենց կառույցների արդյունավետությունը: Համագումարի մասնակիցների համոզմամբ, առանց լիարժեք վերահսկողական իրավասությունների եւ կարողությունների, հնարավոր չէ ունենալ պետական կառավարման լավ համակարգ: Համագումարի ընթացքում ՀՀ ՎՊ նախագահն Իշխան Զաքարյանն առանձին հանդիպումներ է ունեցել է եվրոպացի գործընկերների հետ: ՀՀ ՎՊ լրատվական ծառայությունից հայտնում են, որ համագումարի աշխատանքները կավարտվեն հոկտեմբերի 19-ին:

---