Սոնա Տռուզյան. «Նախագահի աշխատանքային գործունեության վերաբերյալ մեկնաբանություններ տալու լիազորություն ես չունեմ»
30-10-2012 10:49:02 | Հայաստան | Ի՞նչ է գրում մամուլը
«Նախագահի աշխատանքային գործունեության վերաբերյալ մեկնաբանություններ տալու լիազորություն ես չունեմ», - այսօր «Ազատություն» ռադիոկայանին փոխանցեց Հայաստանի գլխավոր դատախազի խոսնակ Սոնա Տռուզյանը:
Պատասխանելով հարցին` արդյոք ընդունո՞ւմ են դատախազության հասցեին Սերժ Սարգսյանի հնչեցրած սուր քննադատությունները, Տռուզյանն ասաց, թե նախագահի տված հանձնարարությունների կատարման ուղղությամբ ձեռնարկված քայլերի մասին պարբերաբար տեղեկատվություն կտրամադրվի:
Հայաստանի նախագահը նախօրեին իրավապահ համակարգի ղեկավարների հետ հանդիպման ժամանակ խիստ քննադատության է ենթարկել հատկապես դատախազությանը։
Պատասխանելով «Ազատություն» ռադիոկայանի հարցին, թե ի՞նչ գործերի մասին է ակնարկել երկրի ղեկավարը, գլխավոր դատախազի խոսնակն ասաց, որ տեղյակ չէ եւ չի կարող նշել, թե նախագահը իր ելույթում որ գործերն է նկատի ունեցել:
Ռուզաննա Ստեփանյան
azatutyun.am
ՀԱՅԵՐԵՆ
Русский
English
Դաս. հայերեն
French
