Իրականացվում է ՀՀ կրթության և գիտության նախարարության 2013 թվականի գործունեությունը լուսաբանող լրատվամիջոցների հավատարմագրում

14-01-2013 16:40:22 | Հայաստան | Գիտություն եւ տեխնոլոգիաներ

ՀՀ կրթության և գիտության նախարարության 2013 թվականի գործունեությունը լուսաբանելու համար իրականացվում է լրատվամիջոցների հավատարմագրում: ԶԼՄ-ների ներկայացուցիչները հավատարմագրվելու համար պետք է ներկայացնեն համապատասխան դիմում ՀՀ կրթության և գիտության նախարարի անունով` հաստատված լրատվամիջոցի ղեկավարի կողմից, նշելով`

1. լրատվական գործունեություն իրականացնող իրավաբանական անձի լրիվ անվանումը, կազմակերպական-իրավական ձևը, գտնվելու վայրը, իսկ եթե լրատվական գործունեություն իրականացնողը ֆիզիկական անձ է` նրա ազգանունը, անունը և բնակության վայրը (հասցեն).

2. հավատարմագրման ներկայացվող լրագրողի ազգանունը (ըստ անձնագրի), անունը.

3. լրատվական գործունեություն իրականացնողի և լրագրողի էլեկտրոնային հասցեները, հեռախոսահամարներն ու հեռապատճենների համարները:

Խնդրում ենք դիմումները մինչև հունվարի 31-ը ներկայացնել ՀՀ կրթության և գիտության նախարարություն: Հասցեն ք. Երևան, Գլխավոր պողոտա, Կառավարական տուն 3, ՀՀ կրթության և գիտության նախարարություն, էլ հասցե [email protected]

Տեղեկությունների համար զանգահարել ՀՀ ԿԳՆ հասարակայնության հետ կապերի և տեղեկատվության վարչություն 010-52-73-43 հեռախոսահամարով:

Նոյյան տապան - Գիտություն եւ տեխնոլոգիաներ

Կարդացել են 564 անգամ

Իրականացվում է ՀՀ կրթության և գիտության նախարարության 2013 թվականի գործունեությունը լուսաբանող լրատվամիջոցների հավատարմագրում

Noyan Tapan TV