2013 թվականի հունվարին «ՀԿԵ» ՓԲԸ ուղևորափոխադրումների ծավալն աճել է
22-02-2013 13:56:56 | Հայաստան | Տնտեսություն
«Հարավկովկասյան երկաթուղի» ընկերության ուղևորափոխադրումների ծավալները 2013 թվականի հունվարին աճել են 5,1%-ով: Համաձայն վերջին վիճակագրական տվյալների՝ այս տարվա առաջին ամսվա ընթացքում տեղափոխվել է 35,3 հազ. ուղևոր՝ 2012 թվականին տեղափոխված 33,6 հազարի դիմաց:
Միջազգային հաղորդակցությունում ուղևոր են դարձել 2,3 հազ. մարդ, ինչը 27,8%-ով գերազարցում է 2012 թվականի հունվարյան ցուցանիշը: Մերձքաղաքային հաղորդակցությունում փոխադրվել էր 33 հազ. ուղևոր (աճը՝ 3,8%):
Միևնույն ժամանակ 2013 թվականի հունվարին ուղևորաշրջանառությունն աճել է 78,6%-ով՝ 2071,3 հազ. ուղևորակիլոմետրից մինչև 3700,1 հազ. ուղևորակիլոմետր:
ՀԿԵ-ն հետևողական աշխատանքներ է տանում ուղևորափոխադրումների ծավալվերի ավելացման ուղղությամբ: Այս նպատակով թարմացվում է երկաթուղու շարժակազմը, բարելավվում է հարմարավետությունն ու ուղևորների սպասարկման որակը, ինչպես նաև մեծանում է գնացքների արագությունը:
«ՀԿԵ» ՓԲԸ-ն 2013 թվականի հունվարին փոխադրել է 201,2 հազ. տոննա բեռ
2013 թվականի հունվարին «Հարավկովկասյան երկաթուղի» ՓԲԸ-ն փոխադրել է 201,2 հազ. տոննա բեռ, ինչը 4,8%-ով գերազանցում է նախատեսված ցուցանիշը:
Արտահամնան հաղորդակցությունում ՀԿԵ-ի բեռնափոխադրումների ծավալը հունվարին կազմեց 27,5 հազար տոննա, ինչը 32,2% գերազանցում է նախատեսված ցուցանիշը: Ներմուծման հաղորդակցությունում 2013 թվականի հունվարին փոխադրվել է 71,1 հազար տոննա բեռ, ինչը գերազանցեց նախատեսված ցուցանիշը 1,9%-ով:
Իսկ բեռնափոխադրումների ծավալը տեղական հաղորդակցությունում կազմեց 102,6 հազար տոննա (աճ 1,3%-ով):
Այսպիսով, ընկերությունում շարունակվում է գործունեության հիմնական ցուցանիշների՝ այդ թվում նաև բեռնափոխադրումների ծավալների աճը: Նման արդյունքներին հնարավոր եղավ հասնել շարժակազմի տրամադրման գծով ծառայությունների որակի բարձրացման, փոխադրումների ժամկետների կրճատման և սակագնային առաջարկների ձևավորման ուղղություններով տարվող ՀԿԵ-ի միջոցառումների շնորհիվ:
Երկաթուղային ենթակառուցվածքի հուսալիության մակարդակի բարձրացումը թույլ տվեց կրճատել փոխադրումների ժամկետները, բարձրացնել բեռնափոխադրումների հուսալիությունը, կրճատել բեռի վնասման և կորստի ռիսկերը:
ՀԿԵ-ում էապես բարելավվել են լոկոմոտիվների և բեռնատար վագոնների շահագործման ցուցանիշները
2013 թվականի հունվարին «Հարավկովկասյան երկաթուղի» ՓԲԸ-ում էապես բարելավվել են լոկոմոտիվների և բեռնատար վագոնների շահագործման ցուցանիշները: Վերջին վիճակագրական տվյալների համաձայն՝ մեկ բեռնատար վագոնի շրջանառությունը 2012 թվականի հունվարի հետ համեմատ արագացել է 1,2 օրով կամ 41,4%-ով:
Ըստ վիճակագրական տվյալների՝ հունվարին մեկ վագոնը շրջանառությունում էր գտնվել միջինում 2,9 օր:
Մեկ վագոնի միջին արտադրողականությունը 2013 թվականի հունվարին կազմեց 5148,2 տկմ նետտո/վագոն, ինչը 34,2%-ով գերազանցում է 2012 թվականի նոիշւյն ժամանակահատվածում գրանցված ցուցանիշը:
Բարելավվել են նաև լոկոմոտիվների շահագործման ցուցանիշները: Մեկ լոկոմոտիվի միջին օրական վազքը կազմել է 364,2 լոկ-կմ, ինչը 3,3%-ով գերազանցեց 2012-ի ցուցանիշը:
Ընկերությունը նման արդյունքների կարողացել է հասնել ենթակառուցվածքի և շարժակազմի արդիականացման, գնացքների անվտանգության ապահովման շնորհիվ:
ՀԱՅԵՐԵՆ
Русский
English
Դաս. հայերեն
French
