Լիոնել Մեսսին հուսով է, որ կգրավի իտալական թիմի դարպասը
07-03-2013 09:58:19 | Իսպանիա | Սպորտ
Իսպանական «Բարսելոնա»-ի եւ Արգենտինայի ազգային հավաքականի հարձակվող Լիոնել Մեսսին կարծում է, որ Չեմպիոնների լիգայի 1/8 եզրափակչի պատասխան հանդիպումը «Միլանի»-ի հետ իր թիմի համար կարող է դառնալ շրջադարձային:
«Վերջին պարտություններից մի փոքր նեղսրտել ենք, սակայն վհատված չենք: Պարտվել ոչ ոք չի սիրում, բայց դեռ ոչինչ կորած չէ: «Միլանի» հետ հանդիպումը հաղթական հունը վերագտնելու հրաշալի առիթ է»,- «Արմենպրես»-ի հաղորդմամբ՝ աշխարհի լավագույն ֆուտբոլիստի խոսքերն է մեջբերում Football Italia-ն:
Մեսսին հույս է հայտնել, որ իրենց կօգնեն հարազատ տրիբունաները և հպարտության զգացումը: Նա նշել է, որ իտալական ակումբներն աչքի են ընկնում կարգապահությամբ և հստակ պաշտպանությամբ, բայց «Բարսելոնա»-ն ամեն հնարավորությունն ունի «Միլան»-ի արգելքը հաղթահարելու համար: «Հուսով եմ՝ վերջապես կկարողանամ գրավել իտալական թիմերի դարպասը»,- ասել է Մեսսին:
ՀԱՅԵՐԵՆ
Русский
English
Դաս. հայերեն
French
