Հռոմի պապի ընտրության վրա ազդել է Ուգո Չավեսը՝ որպեսզի նա լինի Լատինական Ամերիկայից
14-03-2013 13:57:07 | Վատիկան Սիթի | Միջազգային
Հանգուցյալ Ուգո Չավեսը, գտնվելով երկնքում, կարողացավ ազդել Հռոմի պապի ընտրության վրա, որպեսզի նա լինի Լատինական Ամերիկայից։ Ինչպես հայտնում է Взгляд-ը, այս մասին հայտարարել է Վենեսուելայի նախագահի պարտականությունները ստանձնած Նիկոլաս Մադուրոն։
«Մենք գիտենք, որ մեր կոմանդանտեն հասել է այդ բարձունքներին (երկնքում է) և գտնվում է Քրիստոսի առաջ։ Նա այնպիսի մի բան է արել, որ Հռոմի պապը հարավամերիկացի է ընտրվել»,-ասել է Մադուրոն։
Նրա խոսքերը դահլիճում ներկաները ժպիտով են ընդունել։
Հիշեցնենք, որ երեկ Սիքստինյան տաճարից սպիտակ ծուխ էր դուրս եկել՝ ազդարարելով Հռոմի պապի ընտրության մասին։
Կաթոլիկ եկեղեցու առաջնորդ է դարձել Բուենոս Այրեսի արքեպիսկոպոս Խորխե Մարիո Բերգոլիոն։