Քալիֆորնիայի համալսարանի մասնագետները կրծողների վրա մի շարք փորձարկումներ  կատարելուց  հետո  հանգել են այն եզրակացության,  որ  կարճատեւ սթրեսը կարող է լավ ազդեցություն թողնել  ուղեղի վրա:  Փորձարկման  ընթացքում  կենդանիներին կարճատեւ, բայց ծանր սթրեսի են ենթարկել,  որի  արդյունքում առնետների մոտ նկատվել է բջիջների  կրկնակի աճ , որոնք էլ  հետո վերածվել են նեյրոնների: Երկու շաբաթ անց փորձագետները կատարել են զննում և պարզել, որ խավարասերների  մոտ տեղի է ունեցել մտավոր կարողությունների ավելացում, իսկ հիշողությունը՝ զգալիորեն լավացել է։ Մասնագետների պնդմամբ հենց սթրեսն է օգնել ադապտացվել շրջակա միջվավայրին: Փաստորեն կարճատեւ սթրեսը խթան է  մտավոր գործունեության համար եւ դրականապես է ազդում մարդու ներաշխարհի վրա, իսկ խրոնիկականը խոչնդոտում է նոր նեյրոննների առաջացմանը՝  և վատթարացնում է հիշողությունը։  Բացի այդ այս պարագայում բարձրանում է նաև որոշ լուրջ հիվանդությունների առաջացման հավանականության աստիճանը: