«Առողջապահություն և Դեղագործություն EXPO 2013» -ը Երևանում
23-04-2013 17:35:26 | Հայաստան | Գիտություն եւ տեխնոլոգիաներ
Առողջապահության թեման բոլոր ժամանակներում եղել է և կլինի արդիական: Ասում են`"առողջ մարմնում առողջ հոգի": Եթե այս ասացվածքը դիտարկենք մեր երկրի ենթատեքստում, ապա մենք ենթադրում ենք, որ "առողջ հոգին", այսինքն` մեր առողջապահական համակարգը, պետք է լինի "առողջ մարմնում", այսինքն` մեր "առողջ" երկրում: Ելնելով այս դրույթից, LOGOS EXPO Center ցուցահանդեսային ընկերությունը և ՀՀ.առողջապահության նախարարությունը ապրիլի 26-ից ապրիլի 28-ը կանցկացնեն 12-րդ միջազգային մասնագիտացված ցուցահանդեսը` "Առողջապահություն և Դեղագործություն EXPO 2013" :
“Առողջապահություն և դեղագործություն EXPO 2013” ցուցահանդեսը ուղղված է բժշկական կենտրոնների ղեկավարների, գիտաշխատողների, ներդրողների, ձեռնարկատերերի, ինչպես նաև բժշկական ապրանքների և ծառայությունների շուկայում աշխատող մասնագետների այցելությանը: “Առողջապահություն և դեղագործություն EXPO 2013” ցուցահանդեսը` դա բացառիկ հնարավորություն է լսել բժշկության տարբեր ոլորտների առաջատար մասնագետների կարծիքը և խորհուրդները, գտնել տեղական առողջապահության տարբեր ոլորտներում այսօրվա պրակտիկայով թելադրված խնդիրները լուծելու ուղիներ:
Ցուցահանդեսի շրջանակներում կանցկացվեն սեմինարներ, կլոր սեղաններ և շնորհանդեսներ: Վերը նշվածը կնպաստի նոր գործընկերների ձեռքբերմանը, ակտիվ զարգացմանը և բոլոր մասնակիցների միջև կապերի ամրապնդմանը և լայնացմանը:
Վերջին տարիների ընթացքում նկատելի է ցուցահանդեսային տարածքի 50% աճ: Ցուցահանդեսին ներկայացված էին 30%-ից ավել արտասահմանյան ընկերութուններ` Ռուսաստանից, Բելարուսիայից, Իրանից, Չինաստանից, Մարոկկոյից, Ֆրանսիայից, Մեծ Բրիտանիայից, Լեհաստանից, Իսրաելից: Այս կերպ, ցուցահանդեսի մասնակիցները և այցելուները հնարավորություն են ստանում ծանոթանալ արտասահմանյան ընկերությունների պրոֆեսիոնալ ձերքբերումներին, ինչը նշանակում է ետ չմնալ բժշկության և զարգացման միջազգային տեմպերից:
Այս տարվա ցուցահանդեսի առանձնահատկությունն է տեղական և արտասահմանյան ընկերությունների կողմից ներկայացված բժշկական սարքավորումների մեծ քանակությունը:
Այս ամենը և ավելին դառնում է իրագործելի “Առողջապահություն և դեղագործություն EXPO 2013” ցուցահանդեսի շրջանակներում:
Հիմնական թեմատիկ բաժիններն են.
1.Կանխարգելման բժշկություն
2.Կլինիկական բժշկություն
3.Ստոմատոլոգիա
4.Դեղագործություն
5.Ախտորոշում
6.Մայրություն և մանկություն
7.Բժշկական սարքավորումներ
8.Հիգիենա
Ցուցահանդեսի շրջանակներում կանցկացվեն.
Վարպետաց դասեր
Վիդեոցուցադրություններ
Բուժիչ կոսմետիկական գործընթացներ
Դեմքի և մարմնի մաշքի խնամքի ծրագրեր
Կլոր սեղաններ
Սեմինարներ
Ցուցահանդեսի նպատակները.
1.Ապրանքների, ծառայությունների ներկայացում
2.Նոր գործնական հարաբերությունների հաստատում
Ցուցահանդեսի անցկացման վայրըª ք. Երևան, §Yerevan EXPO¦ ցուցահանդեսային համալիր Հ.Հակոբյան 3 (Մերգելայն ինստիտուտի տարածք) հասցեյով
Ցուցահանդեսի բացման պաշտոնական արարողությունը կկայանա` ապրիլի 26-ին. ժ.12:00
Ցուցահանդեսի փակման պաշտոնական արարողությունը կկայանա` ապրիլի 28-ին. ժ.17:00
Ցուցահանդեսի մասնակիցներն ենª տարբեր բժշկական ուղվածությամբ տեղական և խոշոր արտասահմանյան ընկերությունների ներկայացուցիչներ: