Ստորագրվեց հայ-լեհական համագործակցության պայմանագիր
25-04-2013 21:36:26 | Հայաստան | Տնտեսություն
Երեւանում կնքվեց հայ-լեհական համագործակցության պայմանագիր։ Ինչպես նշեց հայ-լեհական առեւտրի պալատի գլխավոր տնօրեն Կարեն Գալոյանը, նման կառույցի ստեղծումը կխթանի հայկական արտադրանքի առավել արդյունավետ արտահանմանը, որը կիրականացվի ե՜ւ տնտեսական, ե՜ւ պետական հիմքի վրա: Նա կարեւոր համարեց հայ գործարարների իմիջի ձեւավորումը: Բանախոսը նշեց նաեւ, որ հայկական առեւտրի պալատում արդեն ընդգրկվել է 80 լեհական կազմակերպություն: Ներկայիս պայմանագիրը նպաստելու է, որպեսզի կազմակերպությունների համար ավելի մատչելի պայմաններ ստեղծվեն համագործակցության համար եւ հանդիսանալում է այդ համագործակցության իրավաբանական հիմքը: Կառույցը կհանդիսանա երկու երկրների միջեւ կապող օղակ:
Հայաստանի Ազգային անվտանգության խորհրդի քարտուղար Արթուր Բաղդասարյանի տեղեկացմամբ, Լեհաստանի մայրաքաղաք Վարշավա այցելության ժամանակ Հայաստանը պայմանավորվածություն ձեռք բերեց խորացնելու համագործակցությունը մի շարք ուղղություններով: Համագործակցությունն ընդգրկում է նաեւ անվտանգության համակարգը: Արդեն ստեղծված են լեհ-հայկական ձեռնարկություններ ռազմական արդյունավետության ոլորտում եւ զգացվում է լեհ- հայկական եւ հայ-լեհական գործարար պալատներ ստեղծելու անհրաժեշտություն: Ըստ Ա.Բաղդասարյանի, ներկայիս հուշագրի ստորագրումը հնարավորություն կտա կոնկրետ ծրագրեր իրականացնել եւ շատացնել ներդրումները Հայաստանում:
Հայաստանի Հանրապետությունում Լեհաստանի արտակարգ եւ լիազոր դեսպան պրն. Ռաչինսկին շնորհակալություն հայտնելով պատշաճ ընդունելության համար թե կառավարական, թե գործարարար միջավայրում, հայկական կողմին նվիրեց հայերենով կազմած Լեհաստանի քարտեզը: Հայկական կողմն իր հերթին խոստացավ պատասխան նվերը մատուցել Լեհաստանին :