Խորհրդային միության փլատակների վրա ձևավորված ավտորիտար, հակահայկական համակարգը 2013 թվականի փետրվարի 18-ին արձանագրեց անդառնալի ճաքեր, իսկ ապրիլի 9-ը համակարգի տապալման համար դարձավ աննախադեպ բեկումնային: Լայնածավալ ազգային և համաժողովրդական գործընթացները հայոց կյանքում սկիզբ դրեցին նոր երևույթի` կեղծ իշխանավորի չճանաչմանը, առանց բռնության պայքարի կիրառմանը, վերկուսակցական, հայկական քաղաքական, միասնական և հիմնական նպատակի հռչակմանը:
Մեր հիմնական նպատակն է. ժողովրդավարական ղեկավարման համակարգի ներդրմամբ Հայկական բարձրավանդակում Հայկական պետականության վերականգնում, որտեղ յուրաքանչյուր հայ հնարավորություն ունի արժանապատիվ ապրելու:
Մեր առաջնային նպատակն է. Սահմանադրական Նոր Հայաստանի պետական իշխանության ձևավորում օրենսդիր, գործադիր եւ դատական իշխանությունների բաժանման եւ հավասարակշռման հիման վրա:
Մեր նպատակին հասնելու համար մենք ունենք անհրաժեշտ նվազագույն պայմաններ` դրանք հետևյալն են.
•Շուրջ 49 հազար քառ. կիլոմետր հայերով բնակեցված պատմական Հայրենիք:
•2013 թվականի փետրվարի 18-ին ՀՀ նախագահական ընտրություններում բացարձակ մեծամասնության քվե ստացած առաջնորդ` Րաֆֆի Հովհաննիսյան, ով սկսեց լայնածավալ ժողովրդական շարժում և հայտարարեց, որ չի ճանաչում կեղծ ինքնահռչակ Սերժ Սարգսյանին:
•Հարյուր հազարավոր մարդկանց հանուն Սահմանադրական Նոր Հայաստանի հրապարակավ երդման ստանձնում:
•Անձնակազմ` երիտասարդներ և միջին տարիքի հայեր՝ պատրաստ անհատույց ծառայելու:
Մեր նպատակին հասնելու ճանապարհին խոչընդոտների նկատմամբ մեր վերաբերմունքը`
Կեղծ և, ըստ էության, օտար, ինքնահռչակ պաշտոնյաներին ճանաչում ենք որպես հանցագործներ: Նրանց հետ հաղորդակցում ենք, որպես հանցագործների` ովքեր զինված են, ում ձերքերում գտնվում է մեր ժողովրդի նյութական կարողության որոշակի մասը, ովքեր ինչ-որ չափով գտնվում են ազատության մեջ և ունեն որոշակի հովանավորություն այլ պետությունների կողմից:
Մեր առաջիկա քայլերը.
•ՀՀ-ում անցկացվող բոլոր մակարդակի ընտրություններին մասնակցություն՝ դիտարկելով նրանց որպես մարտական տարրեր պարունակող գործողություններ, այդ թվում նաև այսօրվա Երևանի ավագանու ընտրություններին:
•Մայիսի 9-ին ժամը 18:00 Աազատության հրապարակում Սահմանադրական Նոր Հայաստանի հանրահավաք:
•Սահմանադրական Նոր Հայաստանի ընտրված և ժողովրդի առաջնորդ`Րաֆֆի Հովհաննիսյանի լիազորությամբ ժողովրդի ամբողջական իշխանության ձևավորման ամենօրյա գործունեության ծավալում:
ՀԱՅԵՐԵՆ
Русский
English
Դաս. հայերեն
French
