Յուքոմ ընկերության գլխավոր գրասենյակում ընկերության տնօրեն Հայկ Եսայանը լրագրողներին ներկայացրեց ընկերության առաջիկա պլանները
24-05-2013 16:02:28 | Հայաստան | Գիտություն եւ տեխնոլոգիաներ
Յուքոմ ընկերության գլխավոր գրասենյակում այսօր ընկերության տնօրեն Հայկ Եսայանը լրագրողներին ներկայացրեց ընկերության առաջիկա պլանները:
Հունիսի 1-ից Յուքոմ ընկերությունը մատուցում է նվեր ֆիզիկական և իրավաբանական անձ հանդիսացող իր բոլոր բաժանորդներին` ամռան ընթացքում կրկնապատկելով ինտերնետային արագությունները:
Այսպիսով այս ամռան ընթացքում կգործեն հետևյալ արագությունները.
U!Net Starter – 16Մբ/վ,
U!Net Basic – 24Մբ/վ,
U!Net Ultra – 30Մբ/վ,
ինչպես նաև Triple Play Classic, Triple Play Rock, Triple Play Jazz փաթեթներում ներառված ինտերնետային արագությունները համապատասխանաբար 30Մբ/վ, 36Մբ/վ, 48Մբ/վ-ով:
Սակագնային փաթեթների գները չեն փոփոխվի:
Յուքոմը նաև ավելացնում է հասարակական վայրերում անվճար wifi ծածկույթների աշխարհագրությունը, ամռան ընթացքում Երևանում կավելանան այն վայրեր, որտեղ հասանելի կլինի Յուքոմի արագագործ ինտերնետը:
Շուտով նաև Ծաղկաձոր քաղաքի ամենաբանուկ հատվածները ծածկված կլինեն անվճար wifi-ով:
Շարունակվում է փոքրիկների համար Cartoon Network մանկական ալիքի հետ համատեղ կազմակերպված նկարչական մրցույթը, որի եզրափակիչը կլինի Հունիսի 1-ին:
Անակնկալները սրանով չեն սահմանափակվի. ամռան ընթացքում Յուքոմում կլինեն բազմաթիվ այլ հետաքրքիր նորություններ:
ՀԱՅԵՐԵՆ
Русский
English
Դաս. հայերեն
French
