Վրացական գինիները եւ կոնյակը կրկին արտահանվելու են Ռուսաստան

12-06-2013 07:10:38 | Վրաստան | Տնտեսություն

Յոթամյա ընդմիջումից հետո վրացական գինիները եւ կոնյակը կրկին արտահանվելու են Ռուսաստան: Առաջին խմբաքանակը Ռուսաստանի խանութներում կհայտնվի մեկ շաբաթից:

Ռուսաստանը 2006 թվականին արգելել էր ներկրել վրացական գինին: Որպես պաշտոնական պատճառ նշվել էր արտադրանքի որակը, սակայն աշխարհում դա ընկալվեց որպես քաղաքական քայլ, որը բխում էր ռուս-վրացական հարաբերությունների սրման ենթատեքստից:

Առաջինը ռուսական շուկա է մտնելու “Հին Կախեթին”: Ընդհանուր առմամբ 80 ընկերություն է ցանկություն հայտնել ալկոհոլային խմիչք արտահանել Ռուսաստան:

Գինեգործների կանխատեսումներով, ոլորտի շահույթները խիստ կավելանան: Նրանց վկայությամբ, վրացական գինու արտահանման ցուցանիշը մինչ Ռուսաստանի շուկա մտնելն արդեն վերջին տարում ավելացել է մոտ 40-45%-ով:

Նոյյան տապան - Տնտեսություն

Կարդացել են 601 անգամ

Վրացական գինիները եւ կոնյակը կրկին արտահանվելու են Ռուսաստան

Noyan Tapan TV