Հունիսի 21-ին կմեկնարկի 6-րդ ամենամյա ԴիջիԹեք Բիզնես ֆորումը
18-06-2013 17:13:01 | Հայաստան | Գիտություն եւ տեխնոլոգիաներ
Ընդամենը մի քանի օրից կմեկնարկի 6-րդ ամենամյա ԴիջիԹեք Բիզնես ֆորումը, որը բաղկացած կլինի ցուցահանդեսային հատվածից, սեմինարներից/գործարար ներկայացումներից և պլենար նիստերից:
Այս տարի ֆորումի օրակարգը հագեցած է հետաքրքիր սեմինարներով ու գործարար ներկայացումներով, ինչպիսիք են` ինովացիոն տնտեսության կառուցման սինգապուրյան փորձը. արդյո՞ք կիրառելի է այն Հայաստանում, ինչպես կարող են վենչուրային կապիտալը և բիզնես հրեշտակները խթանել տեխնոլոգիական սկսնակ շարժումն ու ինովացիոն գաղափարները, ինչպես աջակցել ՓՄՁ նորարարությանը և ձեռնարկությանը, ո՞վ է փող վաստակում ինտերնետի բովանդակությունից և ո՞վ պետք է վճարի դրա համար, օնյալն բանկային լուծումներ, գնման պատվերի ֆինանսավորում և այլն:
Ֆորումը կկայանա հունիսի 21-22-ը, Արմենիա Մարիոթ հյուրանոցում, աշխատանքային ժամը սկսվում է 10:00-ից: Միջոցառումը կազմակերպվում է Ինֆորմացիոն Տեխնոլոգիաների Ձեռնարկությունների Միության (ԻՏՁՄ) կողմից՝ ՀՀ վարչապետի բարձր հովանու ներքո: Ֆորումի հովանավորն է Ալիանս ազատ տնտեսական գոտին, աջակիցն է ԱՄՆ ՄԶԳ Ձեռնարկությունների Զարգացման և Շուկայի Մրցունակության ծրագիրը: Ֆորումի մուտքն ազատ է:
ՀԱՅԵՐԵՆ
Русский
English
Դաս. հայերեն
French
