Արթուր Աբրահամը մինչև 2015 թվականը երկարաձգել է պայմանագրի ժամկետը "Sauerland Event" գերմանական պրոմոութերական ընկերության հետ

02-07-2013 16:48:51 | Գերմանիա | Սպորտ

Հայազգի բռնցքամարտիկ Արթուր Աբրահամը մինչև 2015 թվականը երկարաձգել է պայմանագրի ժամկետը "Sauerland Event" գերմանական պրոմոութերական ընկերության հետ:

"Ուրախ եմ, որ մարզիչներիս հետ աշխատանքս շարունակելու հնարավորություն կունենամ",- նշում է Արթուր Աբրահամը:

Ավելի վաղ Արթուր Աբրահամն ասել էր, որ եթե "Sauerland Event"-ը համաձայնության չգա իր փաստաբանի հետ (տարաձայնությունը հոնորարների վերաբերյալ էր), ապա ինքը չի մենամարտի ո'չ օգոստոսի 24-ին, ո'չ էլ ավելի ուշ:

Այսպիսով, սուպերմիջին քաշային կարգում պրոֆեսիոնալ բռնցքամարտի աշխարհի նախկին չեմպիոն, հայազգի Արթուր Աբրահամը (36-4, 21) ռինգ է վերադառնալու օգոստոսի 24-ին, մենամարտը նախանշված է Գերմանիայի Շվերինե քաղաքում:

Արթուր Աբրահամի հայաստանյան մամլո խոսնակ Սիրան Գրիգորյանի տեղեկացմամբ, Արթուր Աբրահամը մենամարտելու է 30-ամյա Վիլբեֆորս Շիհեփոյի (20-6, 15) հետ: Վերջինը աֆրիկյան Նամիբիա պետությունից է, Շիհեփոյին կոչում են նաեւ Սեւ Մամբա:

Նոյյան տապան - Սպորտ

Կարդացել են 578 անգամ

Արթուր Աբրահամը մինչև 2015 թվականը երկարաձգել է պայմանագրի ժամկետը "Sauerland Event" գերմանական պրոմոութերական ընկերության հետ

Noyan Tapan TV