Ալ Քաիդայի սպանված առաջնորդի` Ուսամա բեն Լադենի երեխաները գտնում են, որ ԱՄՆ-ի նախագահ Բարակ Օբաման պետք կանգնի դատարանի առաջ, տեղեկացնում է regnum.ru-ն` վկայակոչելով բեն Լադենի երեխաների New York Times թերթում տեղ գտած հայտարարությանը: Բեն Լադենի ընտանիքը ցանկանում է իմանալ, թե ինչու նրան ձերբակալելուց հետո կենդանի չեն թողել: Ինչու նրան հնարավորություն չեն տվել կանգնել դատարանի առաջ` որպեսզի աշխարհը նրա մասին իմանա ճշմարտությունը: Մեկ այլ հայտարարության մեջ ասվում է, որ նրա մարմինը ծովում թաղելը վիրավորել եւ նվաստացրել է նրա ընտանիքին, որը վստահ չէ, որ բեն Լադենը սպանված է: Հիշեցնենք, որ Ալ Քաիդայի առաջնորդը սպանվել է այս տարվա մայիսի սկզբին Պակիստանում , ԱՄՆ-ի հետախույզների կողմից:

---